РК Ајдовшчина и тренерот на тимот, македонскиот стратег Радослав Стојановиќ го завршија своето заедничко патување, соопштија од словенечкиот клуб.
„Сакаме да ја искористиме оваа можност искрено да му се заблагодариме на Радослав за целиот труд, посветеност и работа што ја вложи во тимот член и во нашиот клуб во текот на неговиот мандат. Заедно доживеавме многу спортски моменти и напишавме дел од важната приказна за ракометот на Ајдовшчина. Неговата работа и придонес ќе останат дел од ова патување. Сакаме да му се заблагодариме на Радослав за неговата соработка и да му посакаме многу успех, задоволство и нови спортски предизвици на неговото понатамошно патување“, стои во соопштението.
Македонскиот стратег направи голем успех во словенечкиот ракомет откако успеа да ја врати Ајдовшчина во најквалитетното тамошно натпреварување, освојувајќи ја титулата во Првата лига.
Со овој успех, клубот по пауза од 29 години повторно заигра во словенечката елита.
Сепак, по првите четири кола од новата сезона во Словенија, Ајдовшчина забележа 4 порази од исто толку натпревари, па двете страни решија да се разделат.
