Бранителот на трофејот во ЕХФ Европскиот куп, македонскиот тим ГРК Охрид, за противник го доби турскиот Спор Тото на денешната ждрепка во Виена. Првиот натпревар е на домашен терен на 17 или 18 октомври, а реваншот е закажан за 24 или 25 октомври во Турција.
И останатите тимови од Македонија – Алкалоид и Бутел Скопје ги добија своите противниците во ова натпреварување.
Екипата на Кирил Лазаров го доби австриски Ферлах. Тимот од Автокоманда во 2024 година го освои трофејот.
„Бутелчани“ пак, за кои ова е првпат да настапат во ова европско натпреварување, за противник ќе ја има хрватската екипа Горица.
