Никола Јокиќ би можел да го напушти Денвер и да ја продолжи кариерата со Голден Стејт Вориорс, доколку се остварат плановите на клубот од Сан Франциско.
Според американскиот новинар Џејк Фишер, Вориорс веруваат дека би можеле да го доведат српскиот центар и се надеваат дека тој ќе стане слободен агент во 2027 година.
„Вориорс сè уште веруваат дека се топ дестинација и се надеваат дека Никола Јокиќ ќе стане слободен агент во 2027 година“, рече Фишер.
Иако Јокиќ засега не покажа никаква намера да го напушти Денвер, послабите резултати на тимот во претходните сезони би можеле да го отворат прашањето за неговата иднина.
Голден Стејт, предводен од Стеф Кари, очигледно го гледа Јокиќ како потенцијално големо засилување и можност повторно да ја нападне шампионската титула.
