📊 Кој ги има најдобрите и најлошите бројки во ЕХФ Лигата на шампионите и каде е Вардар?

Завршена е групната фаза од Лигата на шампионите на ЕХФ во сезоната 2026/27. По шест кола, познати се 12-те екипи кои ќе го продолжат натпреварувањето, како и статистичките лидери од првиот дел од сезоната.

Португалски Спортинг имаше најефикасен напад со 228 постигнати голови, или просек од 38 по натпревар. Зад лисабонскиот тим завршија Фуксе Берлин со 224 и Веспрем со 219 голови.

Кога станува збор за одбраната, најдобар учинок постигна полската Висла Плок, која прими само 163 голови, или 27,17 по натпревар. Следни се германскиот Мелсунген со 164 и Барселона со 165 примени голови.

Интересно е што Мелсунген, и покрај тоа што има најслаб напад во целото натпреварување (164 голови), има втора најдобра одбрана, што беше доволно за да се пласира меѓу 12-те најдобри екипи во Европа.

Од друга страна, шведскиот Кристијанштад имаше најлоша одбрана со 228 примени гола, додека Целје (226) и Партизан (224) беа исто така меѓу тимовите што најмногу пати ја вадеа топката од својата мрежа.

Три тима ја завршија групната фаза со максимални шест победи – Веспрем, Магдебург и Барселона, додека Спортинг остана непоразен со пет победи и еден нерешен резултат.

Подолу, видете ги статистичките листи на најдобрите и најлошите напади и одбрани на Лигата на шампионите на ЕХФ 2026/27.

Најдобар напад:

Спортинг – 228 гола (38,00)
Фуксе Берлин – 224 (37,33)
Веспрем – 219 (36,50)
ПСЖ – 214 (35,67)
ГОГ – 213 (35,50)
Магдебург – 212 (35,33)
Барселона – 207 (34,50)
Пик Сегед – 203 (33,83)
Алборг – 195 (32,50)
Киелце – 195 (32,50)

Најлош напад:

МТ Мелсунген – 164 гола (27,33)
Нант – 169 (28,17)
Динамо Букурешт – 170 (28,33)
Висла Плок – 174 (29.00)
Монпеље – 176 (29.33)
САХ Архус – 177 (29.50)
Колштад – 178 (29.67)
Вардар – 180 (30.00)
Партизан – 181 (30.17)
Целје – 182 (30.33)

Најдобра одбрана:

Висла Плок – 163 примени гола (27.17)
МТ Мелсунген – 164 (27.33)
Барселона – 165 (27.50)
Магдебург – 169 (28.17)
Динамо Букурешт – 171 (28.50)
Веспрем – 175 (29.17)
Нант – 176 (29.33)
Алборг – 177 (29.50)
ПСЖ – 182 (30.33)
Вардар – 184 (30.67)

Најлоша одбрана:

Кристијанштад – 228 примени гола (38.00)
Целје – 226 (37,67)
Партизан – 224 (37.33)
Колштад – 218 (36.33)
ГОГ – 209 (34,83)
Порто – 207 (34.50)
Фуксе Берлин – 205 (34.17)
Монпеље – 201 (33.50)
Спортинг – 200 (33.33).