Новак Ѓоковиќ верува дека е време за голема промена во тенисот и предлага нов систем за бодување што значително би го скратил времетраењето на натпреварите.
Во интервју со инфлуенсерот Ник Кутракос, српскиот тенисер без двоумење одговори на прашањето кое „контроверзно“ мислење за тенисот би го бранел. Како решение за побрза и поатрактивна игра, тој предложи промена на форматот на сетови.
Според неговата идеја, сетови повеќе нема да се играат додека не се освојат шест гема, туку до четири. Покрај тоа, тој е отворен за укинување на правилото за предност по нерешен резултат на 40:40, што дополнително би го забрзало темпото на натпреварите.
🗣️🇷🇸 Novak Djokovic sur l’opinion tennis qu’il défend à 100% : « Changer le format du score, jouer jusqu’à 4 jeux par set, sans avantage. Garder le format en cinq sets. Maintenir les matchs dans une fenêtre de deux heures. C’est mieux pour tout le monde. » pic.twitter.com/Gqu7Mssfkw
— Univers Tennis 🎾 (@UniversTennis) August 3, 2026
„Мислам дека на тенисот му е потребен нов систем за бодување. Сет не треба да се игра додека не се освојат шест гема. Верувам дека еден сет треба да трае додека не се освојат четири гема, со потенцијално укинување на предноста на 40:40. Би се играло додека некој не освои три такви скратени сета. На тој начин, натпреварите нема да траат повеќе од два часа, што според мене е најдобро за сите“, рече Ѓоковиќ.
Според него, таков формат би го направил тенисот подинамичен и прилагоден на денешната публика, а воедно би ја задржал и натпреварувачката природа на спортот.
