Српскиот тенисер Новак Ѓоковиќ приреди еден од најинтересните моменти на Вимблдон досега. За време на неговата убедлива победа над Стефанос Циципас во второто коло, тој се пошегува со девојка која собира топки среде натпревар.
Додека таа, следејќи ги неговите упатства, со ножици ја отстрани црната лента од неговото десно рамо, Ѓоковиќ се преправаше дека му се случило нешто.
Девојката, видливо шокирана, помисли дека го повредила српскиот тенисер пред полн стадион и милиони гледачи, па инстинктивно се повлече и се фати за градите.
There's a reason they call him the Djoker 😂#Wimbledon | @DjokerNole pic.twitter.com/zLRy1yttve
— Wimbledon (@Wimbledon) July 1, 2026
Само неколку моменти подоцна, Ѓоковиќ се насмеа, а кога сфати дека е шега, и девојката се насмеа.
По натпреварот, српскиот тенисер призна дека сакал малку да се опушти.
„Такви работи правиш кога водиш со 2-0 во сетови, а не кога губиш со 0-2. Жал ми е ако ја исплашив… Ме направи малку поопуштен на теренот. Само се забавував“, рече Ѓоковиќ.
Тој ќе игра против Французинот Артур Риндеркнех во третото коло на Вимблдон, кој го елиминираше Американецот Мартин Дам Џуниор со 6-4, 7-6 (1), 6-3.
