Светскиот шампион Ландо Норис се спаси од казна за неговиот судир со тимскиот колега Оскар Пјастри во последниот круг од Големата награда на Сингапур порано денес.
Двајцата возачи на Мекларен беа на четвртото и петтото место на почетокот од последниот круг кога Норис нападна во кривината 5. Сепак, потоа се случи контакт меѓу него и Пјастри, испраќајќи го Австралијанецот во ѕидот, додека Норис продолжи и на крајот заврши осми.
Веднаш по финишот, стјуардите ги повикаа двајцата возачи и тие дадоа објаснувања за тоа што се случило. По нивните изјави и анализа на видео доказите, стјуардите проценија дека двајцата се виновни за инцидентот – Пјастри затоа што не оставил доволно простор на внатрешната страна од кривината, а Норис затоа што погрешно го проценил својот напад. Поради оваа причина, Норис нема да биде казнет и соодветно на тоа ја задржува осмата позиција и единствениот поен што го заслужуваше за тоа.
Norris and Piastri collide 💥
Here’s the moment 👇
#F1Sprint #SingaporeGP https://t.co/jVetu3oSOs
— Formula 1 (@F1) October 10, 2026
Другите возачи испитани по спринтот беа Ленс Строл, Серхио Перез, Арвид Линдблад, Алекс Албон и Валтери Ботас. Ниту еден од нив не доби казна, а Албон и Ботас беа под истрага за верижниот судир со Габриел Бортолето кратко пред рестартот. Сепак, стјуардите проценија дека ниту еден од нив немало реални шанси да го избегне инцидентот, па затоа одлучија да не ги санкционираат.
Bottas 💥 Albon 💥 Bortoleto
Bumper cars as the drivers prepared for the restart 😮
#F1Sprint #SingaporeGP https://t.co/bI7bj1JGX4
— Formula 1 (@F1) October 10, 2026
Стјуардите забележаа дека во нормален случај би го казниле Албон со 5 секунди доколку не се откажеше од спринтот. Во овој случај, сепак, бидејќи оваа казна не се пренесува на почетокот на трката, тие не го казнија. Истото важи и за Ботас, кој се откажа веднаш по инцидентот, а Албон извозе уште неколку круга пред да се врати во гаражата на својот тим.
Stroll and Perez tangle at Turn 16 💥
#F1Sprint #SingaporeGP https://t.co/3iKtu7noiX
— Formula 1 (@F1) October 10, 2026
Строл и Перез не беа казнети за контактот меѓу двајцата во кривината 16 од првиот круг. Линдблад не беше казнет за возење во спротивна насока за време на периодот на безбедносното возило кога се изврте на излезот од кривината пет.
