📽️ Дани Педроса победи на мраз против моторни санки, рели автомобил, теренски пикап и автомобил од Ф1

Тест возачот на KTM во МотоГП, Дани Педроса, победи на интересна трка на мраз организирана од Red Bull. Покрај Шпанецот и неговиот мотоцикл, во неа учествуваа и моторни санки, автомобил од Формула 1, рели автомобил и теренски пикап.

Петте натпреварувачи возеа на различни патеки на замрзнато езеро во Висконсин, што ја направи битката меѓу нив исклучително интересна. Првично, секој од нив направи круг за калибрација, при што времињата на петтемина беа во рок од две секунди, по што стоеја еден до друг на стартот.

dani ohh oh dani pedrosa on a bike in snow https://t.co/ojXbNw25ZB

— ⋆. 𐙚rel ྀི⁹🍊 (@vrooom_vroommm) November 12, 2026

Во трката, Педроса користеше ревидирана верзија на RC16 и гуми со запци долги 3 сантиметри, што му даде релативно добра влечна сила. На крајот, малиот Шпанец победи пред Гунар Штерн и неговата моторна санка.

Патрик Фризахер заврши трет во својот RB7 од Формула 1 од 2011 година, додека Ендру Карлсон заврши четврти во својот тркачки камион. Изненадувачки, Скор Спид заврши последен во својот рели автомобил.

„Стартот беше клучен бидејќи мојот мотор е едно од најлесните возила. Знаев дека ако успеам да добијам водство на почетокот, ќе можам да бидам повнимателен во кривините“, рече Педроса.

„Вториот клучен фактор беше изборот на траекторија. Кривините беа доста тесни, па морав да ја најдам совршената линија за поминување што ќе ми овозможи да одам што е можно поправо. Дефинитивно бев изненаден од тоа колку добро моторот се држеше во овие услови“, заклучи тест-возачот на КТМ.