Меѓународната автомобилска федерација (ФИА) му ја одзеде акредитацијата на Џонатан МекЕвој, долгогодишен новинар од Формула 1 за британскиот „Дејли меил“, откако тој во колумна го нарече Шарл Леклер „мал лукав никаквец“.
Затоа, на МекЕвој ќе му биде забрането да ги следи последните три трки од оваа сезона, а според „Дејли меил“, неговата акредитација треба да биде обновена на почетокот на сезоната 2027.
Контроверзната колумна беше објавена на 4 ноември, по Големата награда на Мексико, во која Леклер се судри со тимскиот колега Луис Хамилтон на стартот додека се бореа за водство, а трката на крајот ја доби Макс Верстапен. МекЕвој, исто така, напиша во истата статија за напната средба по трката со шефот на Ферари, Фредерик Васер.
ФИА во изјава за „Фронт офис спортс“ изјави дека статијата не ги исполнува стандардите за професионализам што се очекуваат од акредитираните медиуми и дека одлуката се однесува само на МекЕвој, и дека „Дејли меил“ може да испрати друг новинар. Генералниот директор на ФИА, Алберто Виљареал, му ја соопшти одлуката во писмо во четврток.
Дејли меил: Напад врз слободата на медиумите
Спортскиот уредник на Дејли меил, Крис Дин, ја нарече одлуката невиден и скандалозен напад врз слободата на печатот, а критиките на МекЕвој кон Леклерк „благи и фер“. МекЕвој, кој известува за Формула 1 за Дејли меил 21 година и присуствувал на повеќе од 400 трки, ја опиша својата забелешка како шега, според „Атлетик“.
Во нова колумна, МекЕвој го обвини Васер дека го пријавил во ФИА. Нема докази дека Ферари или Васер имале каква било врска со одлуката, а акредитациите ги одлучува исклучиво ФИА.
Поранешниот шеф на Формула 1, Берни Еклстоун, застана зад новинарот, кој за Дејли меил изјави дека одлуката е „луда“.
 му ја одзеде акредитацијата на Џонатан МекЕвој, долгогодишен новинар од Формула 1 за британскиот „Дејли меил“, откако тој во колумна го нарече Шарл Леклер „мал лукав никаквец“){kind=link}