Гершон Јабуселе ова лето се врати во Евролигата и го облече дресот на Панатинаикос, со кој ја брка титулата во елитното европско натпреварување.
Многумина велат дека Панатинаикос има толку силен тим што би можел удобно да игра во НБА. Тоа веројатно не е многу реално… сепак, Јабусуле верува дека Зелените би можеле да успеат да победат некои тимови.
Во интервју за L’Equipe, Французинот објасни точно што мисли.
„Овој Панатинаикос е навистина одличен тим, можеби најталентираниот за кој сум играл. Кога ги видов играчите со кои потпишале минатото лето, бев воодушевен. Исто така, ги видов споредбите на нашата стартна петорка со НБА тимовите. Искрено верувам дека ако сè се среди, би можеле да победиме доста американски тимови. Уверен сум во тоа. Не велам дека ќе го победиме шампионот, но ако игравме против сите НБА тимови, дефинитивно ќе имавме неколку победи.“, истакна тој.
Тој откри и зошто се вратил во Европа.
„Мислам дека добро се снајдов во Чикаго кон крајот на минатата сезона и докажав дека можам да играм на тоа ниво. Почетокот на годината беше тежок поради околностите и можностите што ми беа дадени. Не сакам никого да критикувам, но едноставно не играв. Понудата што ја добив беше многу ниска. Во Минесота ми понудија само делумно загарантиран договор, со можност да бидам продаден до февруари. За минимална плата, без загарантирани минути, дали навистина сакав да ги преселам семејството и децата двапати за шест месеци? Повторно да сменам училиште? Кога дојде понудата, помислив дека можеби е време да свртам нова страница.“, порача Јабуселе.
