По Големата награда на Австрија, каде што го освои првото место во спринтот и второто место во главната трка, aктуелниот лидер во генералниот пласман на МотоГП, Хорхе Мартин вели дека повеќе не му е потребна операција.
„Не сум 100% подготвен, но се чувствувам многу подобро отколку во Мизано. Работите одат во вистинската насока. Нема да правам операција во понеделник и ќе продолжам вака. Сега ќе се одморам, ќе се опоравам бидејќи овие две трки беа навистина тешки“, изјави Мартин по трката во Шпилберг.
Хорхе изјави дека оди на азиската турнеја во добра форма и дека операција пред трките на Истокот всушност би била ризик.
Мартин, заедно со Педро Акоста, сигурно беше најголемиот победник на „Ред Бул Ринг“ бидејќи го презеде водството во генералниот пласман. Преземањето ризици и борбата со Педро Акоста, кој навистина беше најбрз цел викенд, според него, „немаше да вреди“.
„Мислам дека Педро се бореше за нешто повеќе од победа. Значи, второто место е максимум за мене. Малку сум уморен бидејќи беше долга трка. Успеав да го задржам Бецеки зад мене, што беше важно. Одлични поени и тешко е да се очекува да го победиме Маркез на оваа патека, а ние успеавме да го направиме тоа. Се чини дека ова е вистинската насока“, рече Мартин.
