Џорџ Расел ја освои пол-позицијата за Големата награда на Азербејџан по квалификациите во Баку, додека лидерот во Формула 1, Кими Антонели, имаше несреќа и остана без борба за првото место.
Расел го искористи повлекувањето на својот тимски колега и потврди зошто Мерцедес е голем фаворит на патеката во Баку. Тој беше речиси една секунда побрз од конкуренцијата, а Шарл Леклер од Ферари беше најблиску – 0,837 секунди зад него.
Оскар Пјастри ќе стартува трет со Мекларен, а Исак Хаџар четврти со Ред Бул,и тоа се пилотите кои останаа под една секунда заостанување од Расел. Актуелниот шампион, Ландо Норис (Мекларен) ги комплетираше топ 5 на стартната линија.
QUALIFYING CLASSIFICATION
Russell quickest by an impressive eight tenths ⏱️#F1 #AzerbaijanGP pic.twitter.com/UXrbS9t0Qe
— Formula 1 (@F1) September 25, 2026
Тоа беше првата пол-позиција на британскиот возач по Големата награда на Австрија во јуни, што беше и негова последна победа. Долгата права во Баку одговара на концептот на моторот и автомобилот на Мерцедес, што јасно се виде во квалификациите.
Антонели ќе ја започне трката во сабота од 16-то место, откако удри во ѕидот во првиот дел од квалификациите и ги оштети тркалото и суспензијата.
⏪ Rewind to Antonelli's moment at Turn 1 that ended his qualifying#F1 #AzerbaijanGP pic.twitter.com/3Nee1nEO7D
— Formula 1 (@F1) September 25, 2026
Неговиот претходен круг беше доволен за да помине во вториот дел од квалификациите, но поради оштетување не можеше да продолжи со настапот.
