Џејк Пол изјави дека конечно планира да го има своето деби во ММА, а неговиот прв противник ќе биде добро познатото име Нејт Дијаз.
Двајцата веќе се сретнаа на боксерскиот ринг во летото 2023 година. Тогаш Пол го нокаутира Дијаз и победи со едногласна одлука по десет рунди, но не можеше да ја заврши борбата предвреме.
Оттогаш, постојано се зборува за реванш, овој пат во кафез, но не е постигнат вистински договор.
За време на видеото во кое се најавува спојувањето помеѓу Most Valuable Promotions (MVP) и PFL, Пол потврди дека е подготвен да се префрли на мешани боречки вештини.
„Долго време зборувам за MMA и влегувањето во кафез. Сега, со ова ново партнерство, официјално е – ќе се борам во кафез“, рече Пол.
Потоа директно му се обрати на Нејт Дијаз:
„Престани да бегш. Треба да ја направиме оваа борба за спортот. Да го промениме светот, да ја промениме историјата и да ги промениме борбените спортови засекогаш.“
И покрај неговите ММА амбиции, Пол нагласи дека нема намера да се откаже од професионалниот бокс.
„Ќе се вратам во рингот што е можно поскоро“, рече тој, откривајќи дека моментално е во преговори со неколку потенцијални противници. Неговиот план е прво да има уште еден боксерски меч, а потоа да се соочи со Дијаз во кафезот.
Доколку борбата се одржи, тоа би била една од најинтересните кросовер борби во борбените спортови во 2027 година.
