Чарлс Оливеира не остана рамнодушен на критиките по неговата победа над Макс Холовеј, со која ја освои титулата BMF на UFC 326. Бразилецот доминираше на земја и не му даде шанса на противникот со своето џиу-џицу, но и покрај ова, некои фанови го опишаа неговиот настап како „досаден“.
„До Бронкс“, сепак, не ги прифаќа ваквите проценки и ја истакна контрадикторноста во реакциите на публиката.
„Да стоев и да разменував удари со Макс Холовеј и да бев нокаутиран, што би рекле? Дека сум глупав затоа што не го користам моето џиу-џицу“, рече Оливеира.
Тој се потсети и на својот пораз од Илја Топурија, кога беше сериозно критикуван токму за неговиот избор да се бори стоејќи.
„Кога бев нокаутиран, сите рекоа: „Требаше да се бориш“. Сега кога го направив тоа, сè уште не ви се допаѓа. Како сакате да се борам – како во видео игра?“, додаде Бразилецот.
Оливеира нагласи дека победите во ММА доаѓаат преку стратегија, а не со додворување на публиката.
„Борбата не функционира така. Победуваш кога имаш план и го извршуваш. Секој пат кога отстапувам од него, губам – и тогаш сите зборуваат“, додаде тој.
Според него, неговиот настап против Холовеј бил далеку од здодевен, бидејќи се обидувал со „сабмишн“, правел транзиции и удирал, демонстрирајќи го својот целосен арсенал.
