Бразилскиот виртуоз Роналдињо е убеден дека неговиот млад сонародник Ендрик ги има потребните квалитети за да се етаблира во италијанската Серија А. Напаѓачот на Реал Мадрид се поврзува со трансфер во Рома и Милан во зимскиот преоден рок откако доби ограничени можности да се појави во шпанските гиганти.
Во интервју за „Кориере дела Сера“, Роналдињо беше прашан дали 20-годишниот Ендрик е подготвен за предизвикот на италијанскиот фудбал.
„Тој може да игра во која било лига“, категоричен беше поранешниот играч на Барселона и Милан.
Добитникот на „Златната топка“ во 2005 година, исто така, го откри своето мислење за темата за „Газета дело Спорт“, нагласувајќи дека младиот напаѓач веќе стекнал вредно искуство и покрај своите години.
„Тој е момче кое може да игра насекаде во светот. Играл во различни лиги и се покажал добро во Франција, Бразил и Шпанија. Сè уште е многу млад и сигурно може да го направи тоа“, рече Роналдињо.
Ендрик има сериозни тешкотии да освои постојано место во тимот на Реал Мадрид. Оваа сезона, Бразилецот има запишано само 141 минута, во кои има еден гол и една асистенција.
Се очекува напаѓачот да бара повеќе време за играње во јануари, со опција за трансфер во италијански клуб кој добива на популарност. Рома е во најдобра позиција во трката за неговиот потпис. Тренерот на „волците“, Џан Пјеро Гасперини, ги сака квалитетите на младиот Бразилец и би сакал да го види на „Олимпико“.
Милан е исто така заинтересиран, но според „Кориере дело Спорт“, самиот Ендрик не е особено заинтересиран да ја продолжи кариерата на „Сан Сиро“.
