Вжештените изјави меѓу Франција и Парагвај не стивнуваат ниту неколку дена по судирот на двата тима на Светското првенство. „Триколорите“ ги елиминираа Јужноамериканците (1-0) со гол од пенал на Мбапе во натпревар кој, за повеќето фудбалски фанови, беше болен за гледање – единствено поради однесувањето на Парагвајците.
Нивните улични методи го доведоа натпреварот до точка на негледање. Ова само ја продолжи „војната“ меѓу двете страни што беше започната во деновите пред натпреварот со изјавата на легендарниот Луис Чилаверт дека „тие играле против Французите, а сегашната генерација на Парагвај игра против Африканците“.
Кратко по натпреварот, сенаторката во парагвајскиот Сенат, Селесте Амариља, исто така излезе во јавност и ја шокираше јавноста со многу провокативни и расистички изјави. Таа го нарече Мбапе „колонизиран Камерунец кој се преправа дека е Французин“, исмејувајќи се на неговата интелигенција.
Францускиот напаѓач не се воздржа и ја опиша нејзината изјава како недостојна за позицијата што ја има во општеството.
По неговиот суров одговор, парагвајската политичарка дополнително ја засили својата реторика и јавно се закани со правни мерки. Имено, во своето официјално соопштение, таа испрати директно предупредување до ѕвездата на Реал Мадрид, потсетувајќи го на претходните правни постапки против светски познати фудбалери во нејзината земја.
„Би му рекла да биде внимателен со Парагвајците бидејќи веќе го затворивме Роналдињо. Не ме потценувај, можам да те однесам на суд“, беше нејзината порака што одекна во јавноста.
Покрај заканите за правни мерки, Амариља сега му поставува ултиматум на Мбапе да ѝ се извини, обвинувајќи го и за наводно насилство врз жени.
Во меѓувреме, француските обвинители отворија истрага за сериозна јавна навреда и поттикнување на омраза или насилство по коментарите на сенаторката. Канцеларијата на парискиот обвинител за Асошиејтед Прес во вторник (7 јули) изјави дека ја започнала истрагата откако националната единица за борба против говорот на омраза на интернет добила жалба од Француската фудбалска федерација.
 со гол од пенал на Мбапе во натпревар кој, за повеќето фудбалски фанови, беше болен за гледање - единствено поради однесувањето на Парагвајците){kind=link}