Необичен инцидент го одбележа аматерски фудбалски натпревар во Истанбул, а наместо голови, приказната е за херојски чин и спасување на невин живот среде натпреварот.
Имено, се играше 22. минута од натпреварот помеѓу Мевланакапи Гузелхисар и Истанбул Јурдум Спор кога голманот Мухамет Ујаник ја шутираше топката од својот шеснаесетник.
Топката погоди птица во лет, која веднаш се струполи на тревата, а Ујаник подоцна призна дека на почетокот дури и не сфатил што се случило, сè додека не се приближил до птицата.
Тој бил, како што вели, во шок и длабоко потресен бидејќи бил свесен дека станува збор за живо суштество, а херој на денот се покажал капитенот на тимот Гани Чатан.
Un match décisif pour la montée entre les équipes amateurs d’Istanbul Yurdum et de Mevlanakapi Guzelhisar a été interrompu lorsqu’un gardien a accidentellement frappé un goéland avec le ballon.#Football #Insolite #FairPlay #HérosDuJour #MondeEnDirect pic.twitter.com/UdjBUQUdTB
— MondeEnDirect (@mondeendirect) February 24, 2026
Тој беше првиот што истрча до повредената птица и забележа дека галебот не покажува знаци на живот, па инстинктивно започна со реанимација.
Катан објасни дека процесот траел околу две минути и дека не сакал да се откаже сè додека не ги видел нозете и очите на птицата како се движат.
Таа набрзо почнала да се освестува, веднаш му била дадена вода, а потоа била изнесена од теренот и предадена на медицинскиот персонал.
Турските медиуми известуваат дека Катан нема никаква медицинска обука, туку правел сè инстинктивно за да ја спаси птицата, која претрпе повреда на крилото што ќе ја направи неспособна да лета некое време.
