Аргентина ја преживеа драмата во Мајами и по продолженијата стигна до осминафиналето на Светското првенство во САД, Канада и Мексико.
Аргентина водеше, Капе Верде се врати двапати, а одлуката беше донесена дури во 111-та минута, кога топката заврши во мрежата по ударот на Кристијано Ромеро и одбиената топка од Дини Борхес, за прослава на „гаучосите“.
Иако Аргентина се пласираше понатаму, социјалните медиуми не дискутираа само за Меси, драмата и храбриот Капе Верде. Голем дел од коментарите беа насочени кон судењето на канадскиот судија Дру Фишер, при што навивачите тврдеа дека критериумите за време на натпреварот биле во корист на Аргентина.
Навивачите на Капе Верде, како и многу неутрални гледачи, особено го истакнаа впечатокот дека контактните игри и фаулите се оценуваат различно во зависност од тоа кој тим напаѓа. Во коментарите се повторуваше оценката дека Капе Верде мора да „ги победи и Аргентина и критериумите на судијата“, додека други пишуваа дека дебитантот „заслужуваше пофер вечер“ по таков настап.
„Уште едно Светско првенство каде Аргентина има совршено судење“.
„Може ли една 50-50 одлук да оди против на Аргентинците“.
„Зошто Аргентина секогаш мора да се турка. Може ли некој да ми го објасни тоа?“.
„Кутриот Капе Верде. Играш ваков натпревар, а потоа мора и против судијата“.
„Ако ФИФА ги сака Меси и Роналдо во финалето, нека го кажат тоа, ова нема смисла“.
Некои отидоа чекор понатаму, тврдејќи дека натпреварот уште еднаш покажа колку е тешко за аутсајдерите да се натпреваруваат против најголемите тимови, кога секоја неизвесна ситуација се претвора во дополнителен притисок. Најчестата порака беше дека Капе Верде, и покрај тоа што испадна, ги освои симпатиите на фудбалскиот свет.
