Фудбалската репрезентација на Англија се пласираше во осминафиналето на Светското првенство по тешката победа од 2-1 над ДР Конго во Атланта. Африканскиот тим сензационално поведе од седмата минута со голот на Брајан Чипенга, но Англија беше спасена од капитенот Хари Кејн со два гола во второто полувреме.
Англија ќе игра против Мексико во осминафиналето, кој го победи Еквадор со 2-0 рано утрово. Натпреварот е закажан за ноќта од недела кон понеделник, 6 јули, во 2 часот по наше време. Натпреварот ќе се игра на стадионот „Ацтека“ во Мексико Сити.
Тренерот на Англија, Томас Тухел, по натпреварот изјави: „Верувавме до крајот. Имавме најлош можен почеток. Прв удар, прв гол. После тоа стана уште потешко. По првото полувреме ја презедовме контролата врз играта. Мислам дека требаше да добиеме пенал. Резервните играчи влегоа, дадоа сè од себе и победивме. Заслужено, но мораше да работиме напорно. Мораме да го имаме тој менталитет. Тој човек (Лионел Мпаси, голман на ДР Конго) беше неверојатен, со одбраните што ги направи.“
Лионел Мпаси го држеше ДР Конго во игра против Англија долго време со своите одлични одбрани. Вкупно направи пет одбрани, а четири од нив беа во рамките на 16 метри. Мпаси го имаше своето деби за ДР Конго на 1 февруари 2022 година. Досега има 32 настапи за националниот тим.
