Напаѓачот на Пари Сен Жермен, Бредли Баркола, постигнал усмен договор со Ливерпул за евентуален трансфер кај „црвените“ ова лето, објави француското издание „Л’Екип“. Весникот додава дека играчот веќе разговарал со клубот, па дури и со менаџерот на англискиот тим, Андони Ираола. И покрај овој важен чекор, сè уште не е потпишан никаков договор.
Дваесет и три годишниот офанзивен фудбалер веќе одлучил да не го обнови договорот со Пари Сен Жермен, кој истекува во јуни 2028 година, со што дал согласност да се пресели во англискиот гигант. Баркола сега очекува двата клуба да постигнат договор што би му овозможил да се пресели во Премиер лигата.
Во Франција се вели дека веќе започнале разговори меѓу раководството на Ливерпул и парижаните, чиј спортски советник е Португалецот Луис Кампос.
Баркола пристигна во Париз од Лион за 45 милиони евра во 2023 година и беше дел од тимот кој ја освои Лигата на шампионите во последните две сезони, како и три титули во француското првенство. Сепак, тој е далеку од главен напаѓач на клубот, зад Дезире Дуе, Усман Дембеле и Хвича Кварацхелија во главната постава. На 159 настапи за клубот, тој постигна 39 гола.
Во меѓувреме, Ливерпул сè уште бара напаѓач кој ќе му даде повеќе опции на Андони Ираола, кој ќе мора да се справи со заминувањето на Мохамед Салах. Виктор Муњоз веќе е потпишан од Осасуна, но клубот сè уште бара крилен напаѓач. Цел е Магнес Акљус од Монако, кој, исто така е следен и од Пари Сен Жермен.
