Челси очигледно ја менува својата трансфер стратегија под водство на Чаби Алонсо. Клубот постигна договор со Брајтон и го заврши потпишувањето на 35-годишниот напаѓач Дени Велбек.
На играчот му е дадена дозвола да преговара со тимот од Лондон и веќе ги договорил условите со својот иден клуб, а во наредните денови ќе ги помине медицинските прегледи.
Се очекува тој да потпише двегодишен договор и да им се придружи на своите нови соиграчи следната недела во Хонг Конг, каде што тимот ќе одигра пријателски натпревар како дел од нивната предсезонска турнеја низ Австралија и Азија.
🚨 Danny Welbeck has agreed personal terms with Chelsea on a 2-year contract.
The 35-year old forward has already been granted permission to undergo his medical, with only the final formalities remaining before the move is completed. He is expected to join Chelsea's pre-season… pic.twitter.com/A90vqrwmMP
— Transfer News Live (@DeadlineDayLive) July 29, 2026
Поранешниот напаѓач на Манчестер Јунајтед и Арсенал има 90 гола во 400 настапи во англиската прва лига. Тој се приклучи на Брајтон од Вотфорд во 2021 година како слободен агент. Со неговото доаѓање, Челси ќе има шест напаѓачи, но се очекува тројца од нив да си заминат.
Алонсо ќе се потпре на Жоао Педро, кој постигна „хет-трик“ на првиот тест меч на тимот, и на Велбек, додека Емануел Емега, кој го потпиша Стразбур, би можел да остане како резерва.
Сепак, клубот ќе се обиде да ги продаде или да ги позајми Николас Џексон, Лиам Делап и Марк Гиу.
Трансферот на Велбек означи голема промена во трансфер политиката на клубот, која до неодамна привлекуваше главно млади играчи. Сепак, резултатите не беа задоволителни. Минатата сезона, Челси заврши на десеттото место во Премиер лигата.
Ова лето, „сините“ дадоа понуда за 34-годишниот Гранит Џака, кој стана шампион со Алонсо во Баер Леверкузен. Сепак, Швајцарецот одлучи да останат во Сандерленд. Тимот од Лондон преговара и за 36-годишниот Џордан Хендерсон. Тие се блиску до потпишување на централниот дефанзивец Максенс Лакроа од Кристал Палас, кој има 26 години.
Веќе го доведоа и Морган Роџерс од Астон Вила за 117 милиони фунти, кој има 24 години, но сепак има сериозно искуство во Премиер лигата. Единствениот помлад играч кој беше земен ова лето беше 21-годишниот Марко Палестра од Аталанта.
