Един Џеко денес официјално потпиша нов договор со Шалке, а во сезоната што претстои ќе го видиме во дресот на тимот од Гелзенкирхен.
Џеко му се придружи на Шалке на 22 јануари оваа година и со шест гола и три асистенции во 11 натпревари, му помогна на клубот да се врати во Бундеслигата.
Откако му истече договорот на 1 јули, се чекаше одлука по завршувањето на Светското првенство дали Џеко ќе ја продолжи кариерата, а откако одговорот на тоа прашање беше позитивен, тој одлучи да ја прифати понудата на Шалке за продолжување на соработката.
Откако ги помина лекарските прегледи вчера и денес, Џеко потпиша едногодишен договор со Шалке, а повторно ќе го видиме во Бундеслигата по 15 години.
Џеко играше за Волфсбург од летото 2007 до јануари 2011 година, со кого ја освои Бундеслигата и беше најдобар стрелец во лигата, а потоа ја продолжи кариерата во Манчестер Сити.
Со оглед на тоа што наполни 40 години, се очекува дека ќе ја заврши кариерата следното лето во Бундеслигата, натпреварувањето во кое го играше најдобриот фудбал во својата кариера и во кое стана глобална ѕвезда.
