Тренерот на Барселона, Ханси Флик, потврди дека дефанзивецот Андреас Кристенсен ќе отсуствува неколку недели откако мораше да го напушти теренот против Севиља поради повреда.
Данецот беше заменет околу 60-тата минута од натпреварот против Севиља и беше видливо разочаран на клупата.
Флик беше прашан за Данецот по натпреварот и им рече на новинарите: „Тој ќе отсуствува неколку недели. Станува збор за повреда на мускулот. Ќе има дополнителни тестови утре (денес).“
Оваа најнова информација значи дека Кристенсен ќе биде отстранет од данската репрезентација за натпреварите од Лигата на нациите за време на претстојната меѓународна пауза.
Барселона има исклучително интензивен распоред на натпревари во следниот месец. Во првенството, прво ќе играат против Хетафе, Бетис и Реал Мадрид во Ла Лига, и против Галатасарај и ПСЖ во Лигата на шампионите.
Се очекува Жерар Мартин, кој го замени синоќа, да биде алтернатива во центарот на одбраната наместо Кристенсен, но и Ерик Гарсија и Жил Кунде.
