Италија ја победи Северна Ирска со 2-0 во првиот натпревар од плејофот за Светското првенство и ќе игра против Босна и Херцеговина во Зеница на 31 март за место на Светското првенство.
Селекторот на „азурите“, Џенаро Гатузо, зборуваше за репрезентацијата на Босна и Херцеговина, нагласувајќи дека неговиот тим го очекува исклучително тешка задача.
„Босна и Херцеговина игра во формација 4-4-2. Очекуваме вжештена атмосфера на стадионот, ова е тим со многу искусни поединци. Натпреварот со Велс беше сосема поинаква приказна. Босанците знаат како да се затворат во одбраната и да се потпрат на своите напаѓачи. Тоа ќе биде уште еден неверојатно тежок натпревар, исто како и со Северна Ирска“, рече Гатузо.
Познатиот Италијанец живописно ја опиша важноста на претстојниот натпревар против Босна и Херцеговина
„Направивме само еден мал чекор. Босна и Херцеговина е како Монт Еверест за нас, кој треба да го искачиме. Влоговите се огромни.“, кажа тој.
Гатузо зборуваше и за кадровската ситуација во неговиот тим, со посебен акцент на дефанзивецот Алесандро Бастони и напаѓачот Џанлука Скамака.
„Бастони не тренираше речиси три недели, можеме само да му се заблагодариме за она што го направи. Го исклучив делумно затоа што доби жолт картон. Во моментов, само Скамака има мали проблеми. Има мали повреди на некои од другите, но играчите се достапни и Скамака треба да биде со нас. Се враќаме во кампот во Коверчано и почнуваме да работиме. Треба да ја вратиме енергијата“, објасни Гатузо.
