Маркус Рашфорд не играл за Јунајтед од 12 декември 2024 година, но враќањето на „Олд Трафорд“ би можело да се случи следната сезона. Мајкл Карик, менаџерот на „Црвените ѓаволи“, ја остави вратата отворена за позајмени играчи, но ја одложи секоја одлука до крајот на сезоната.
„Одлуките ќе треба да се донесат на повеќе нивоа и очигледно Маркус е во таква ситуација“, изјави менаџерот.
Керик, сепак, нагласи дека „ништо не е одлучено“.
„Сакам да соработувам со играчите кои се тука и да им помогнам да напредуваат. Во моментов тоа е оваа група играчи. Има играчи кои се на позајмица и што и да се случи, ќе се случи“, објасни тој.
Англискиот менаџер повтори дека сака да го „извлече најдобро од сите играчи“.
Рашфорд постигна 12 гола и регистрираше 11 асистенции за Барселона, која може да активира опција за откуп од 30 милиони евра за да го задржи трајно.
Покрај Рашфорд, на позајмица се и Ентони (Бетис) и Расмус Хојлунд (Наполи) кои би можеле да се вратат во Манчестер следната сезона.
