Дефанзивецот на Реал Мадрид, Раул Асенсио, се повреди, објавија официјално „Лос Бланкос“. Централниот бек има „повреда на мускулот во десната нога“ и неговата состојба ќе биде следена.
Се очекува Асенсио да отсуствува од терените помеѓу четири и шест недели. Тој нема да игра во преостанатите натпревари на Реал од предсезоната и ќе го пропушти почетокот на сезоната во Ла Лига.
Повредата е лоша вест за „кралевите“, бидејќи играчот не беше дел од плановите на новиот тренер Жозе Мурињо, особено по доаѓањето на Ибрахима Конате, а клубот сакаше да го продаде. Со оглед на повредата на Асенсио, оваа можност сега е сериозно доведена во прашање. Сепак, „белите“ сметаат на тоа дека ќе добијат нови пари за него дури и под овие околности.
Дефанзивецот учествуваше во првото полувреме од пријателскиот натпревар против Леганес во вторник, кој го добија со 4:1.
