Напаѓачот на Борнмут, Маркус Таверние, е на списокот на потенцијални трансфер цели на Манчестер Јунајтед за позиција лево крило, според „Дејли меил“.
Минатата недела, привремениот менаџер на „црвените ѓаволи“, Мајкл Карик, потврди дека тимот треба да се засили во таа област.
Ѕвездата на Нотингем Форест, Морган Гибс-Вајт, и младиот талент на РБ Лајпциг, Јан Диоманде, исто така се на списокот, но тие би биле многу поскапи опции и интересот за нив би бил поголем.
🚨 𝐁𝐑𝐄𝐀𝐊𝐈𝐍𝐆: Manchester United have added Marcus Tavernier to their summer shortlist, with AFC Bournemouth valuing him at around £40m. [@MailSport] #mufc pic.twitter.com/qWMDrCxzI6
— Stretford End (@StretfordEndx) March 7, 2026
Таверние е во одлична форма и веќе постигна шест гола и имаше пет асистенции оваа сезона. Тој е под договор со Борнмут до 2029 година и е проценет на околу 40 милиони фунти. Астон Вила и Нотингем Форест се, исто така, заинтересирани за него.
„Мејл“ додава дека покрај лево крило, Манчестер Јунајтед сака да потпише двајца централни играчи од средниот ред ова лето, како и лев бек и евентуално уште еден централен дефанзивец.
