Милан стави крај на шпекулациите околу иднината на Лука Модриќ со официјално објавување на нов договор со хрватскиот маестро. Ветеранот одлучи да не ги „закачи копачките“ и ќе остане на „Сан Сиро“ до крајот на сезоната 2026/27.
Претходниот договор на 40-годишниот освојувач на „Златната топка“ истече на крајот на јуни, што го направи слободен агент за време на Светското првенство.
The future still bears his name.
Luka's Rossonero story continues ❤️🖤 pic.twitter.com/Ly5sm7QQ44— AC Milan (@acmilan) July 23, 2026
Сепак, играчот од средниот ред имал личен разговор со новиот тренер Рубен Аморим и ја прифатил понудата на „росонерите“ да го предводи тимот за новата сезона.
Минатата година, тој одигра 37 натпревари, постигна два гола и имаше три асистенции за „росонерите“, но во април доживеа непријатна повреда што го искомплицира крајот на сезоната за него, а тимот на Масимилијано Алегри на крајот ги пропушти квалификациите за Лигата на шампионите.
“Ci vediamo presto" 🔜
Parola di Luka Modrić pic.twitter.com/IybmopjSyg— AC Milan (@acmilan) July 23, 2026
Веста за новиот договор на Модриќ доаѓа веднаш по учеството на играчот на Светското првенство, каде што беше капитен на Хрватска и запиша една асистенција на четири натпревари, но „ватрените“ бее елиминиран во шеснаесетфиналето по драматичниот пораз од Португалија со 2-1.
Легендарниот играч за врска сè уште официјално не ги објавил своите планови за репрезентацијата и дали ќе ја заврши кариерата за Хрватска.
