Откако се разделија со Ромелу Лукаку, Наполи не се фокусираше само на напаѓачот на Арсенал, Габриел Жесус, за да го засили нападот. Покрај името на Бразилецот, клубот ги разгледува и можностите за привлекување на Џошуа Зиркзе или Николас Џексон, тврди Џанлука Ди Марцио.
И двајцата се пред заминување од Манчестер Јунајтед и Челsи, соодветно, а Наполи побара информации за условите на нивните можни трансфери.
Сепак, пред да преземе поконкретни чекори, италијанскиот клуб мора да направи уште еден трансфер во нападот. Во овој поглед, разделбата со Ноа Ланг, за кого Аталанта повторно побара позајмица, се чини сè поверојатна.
Доколку овој трансфер се реализира, Наполи ќе ги фокусира своите напори на гореспоменатите играчи од Премиер лигата – првенство од кое клубот неодамна направи одлични зделки, вклучително и потпишувањето на Беноа Бадијашил, кој вчера пристигна во Италија.
