Енцо Мареска е новиот менаџер на Манчестер Сити, објави Фабрицио Романо. Италијанскиот стручњак потпишал тригодишен договор до јуни 2029 година и ќе го наследи Пеп Гвардиола на клупата на вицешампионите на Англија.
Официјално соопштение се очекува во текот на денот.
Романо нагласува дека Мареска ќе биде силно вклучен во трансфер стратегијата на клубот од самиот почеток, што ја потврдува довербата на челниците на Сити во поранешниот тренер на Челси и поранешен помошник на Гвардиола.
Мареска (44) веќе работеше во Сити како тренер на тимот до 23 години, освојувајќи ја Лигата за развој на Премиер лигата, а потоа и како дел од тренерскиот штаб на Пеп Гвардиола. Тој ја изгради својата тренерска репутација во Лестер Сити, со кого избори промоција во Премиер лигата, пред да го преземе Челси во 2025 година и да има турбулентна, но релативно добра сезона во која разви голем број млади играчи.
