Иако речиси беше договорено Родри да се пресели од Манчестер Сити во Реал Мадрид, Барселона интервенираше во последен момент и практично го „украде“ најдобриот играч на Светското првенство од својот најголем ривал.
Родри вчера го информираше раководството на каталонскиот клуб дека сака да стане дел од тимот на Ханси Флик, со што се елиминира секоја можност за негова преселба во Реал Мадрид, пишува „Марка“.
Флик лично го контактирал Родри, како и претседателот на Барселона, Жоан Лапорта, и спортскиот директор Деко, но шпанскиот играч од средниот ред не донесе одлука откако разговараше со нив.
🚨 𝗘𝗫𝗖𝗟𝗨𝗦𝗜𝗩𝗘: Pep Guardiola CALLED Rodri this week to CONVINCE HIM to join Barcelona.
— @BlazquezFont pic.twitter.com/EEyOharBMY
— Barça Universal (@BarcaUniversal) August 6, 2026
Според шпанските новинари, Флик, Лапорта и Деко му ги презентирале своите планови на Родри, но освојувачот на „Златната топка“ во 2024 година се консултирал со Пеп Гвардиола за конечната одлука.
Родри го одигра својот најдобар фудбал под водство на Гвардиола во Сити, а на крајот ја донесе конечната одлука во разговор со него.
Гвардиола, како легенда на Барселона, го советувал да оди во Каталонија, а Родри го послушал како што направил многу пати во кариерата, а сега сè што останува е клубовите да се договорат за обештетувањето.
Се претпоставува дека Барселона ќе плати околу 50 милиони евра за Родри и дека трансферот ќе биде официјализиран следната недела.
