Се чини дека во Мадрид се подготвува голема пресвртница и враќање на господинот Специјален. Жозе Мурињо е пред вратата на Реал Мадрид, на инсистирање на Флорентино Перез, кој овој пат демонстрира автократија кога станува збор за избор на тренер.
Икер Касиљас на интересн начин објави дека враќањето на Мурињо на „Бернабеу“ се ближи, или барем верува дека целата приказна ќе привлече големо внимание и ќе биде вистинска сапуница.
🍿 🍿 🍿
— Iker Casillas (@IkerCasillas) April 28, 2026
Неговите емотикони „кутија со пуканки“ се јасна алузија на сапуницата во шпанската престолнина, особено со оглед на неговиот однос со Португалецот.
Имено, токму Жозе Мурињо го отстрани легендарниот голман од првиот тим во текот на сезоната 2012/13. Тој веруваше дека Икер е крт во соблекувалната и дека протекува информации во јавноста.
„Ме обвини затоа што еден од моите пријатели е новинар. Но, тоа не е најдалеку што стигнавме. На почетокот имаше многу поврзаност меѓу нас, разговаравме, но на крајот, тоа не беше многу добро чувство. Како во врска, на почетокот си многу заљубен, а подоцна тоа не е доволно“, објасни Касиљас во едно од интервјуата.
