Актуелниот германски шампион, Баерн, подготвува понуда за продолжување на договорот на Мајкл Олисе, што би го направило најплатен играч во тимот и со тоа би го оддалечило од Реал Мадрид.
Според информациите на германски Скај, францускиот напаѓач би можел да потпише договор до 2032 година, а неговата годишна плата би се зголемила на повеќе од 25 милиони евра.
Хари Кејн и Џамал Мусијала исто така заработуваат иста сума, додека моменталната плата на Олисе е 14 милиони евра.
Овој потег на баварскиот клуб е директна реакција на интересот на Реал, кој сè уште внимателно ја следи ситуацијата, пишува шпански АС.
Управата на Баерн има намера да ги забрза преговорите со Олисе штом ќе го заврши потпишувањето на нов договор со Хари Кејн.
Сепак, Олисе постави јасен услов за продолжување на соработката: сака клаузула за откуп да биде вклучена во договорот.
