Англискиот крилен напаѓач Рахим Стерлинг (31) ја отфрли понудата да ја продолжи кариерата во Бразил, според островските медиуми.
Васко де Гама наводно е заинтересиран за поранешниот англиски репрезентативец, но Стерлинг не сакал да се пресели надвор од Европа.
Стерлинг моментално е слободен агент, по краткиот и разочарувачки престој во Феенорд.
Тој претходно го раскина договорот со Челси со заедничка согласност, откако помина шест месеци надвор од првиот тим, и не успеа да се етаблира за време на позајмицата во Арсенал.
Сепак, Стерлинг моментално има многу поголеми проблеми надвор од теренот отколку наоѓање нов клуб.
Поранешниот фудбалер на Ливерпул и Манчестер Сити се соочува со обвиненија за опасно возење, поседување азотен оксид за неправилна употреба и одбивање да даде примерок на властите.
Англиските медиуми пишуваат дека Стерлинг треба да се појави на суд следната недела.
 ја отфрли понудата да ја продолжи кариерата во Бразил, според островските медиуми){kind=link}