Англискиот репрезентативец Џон Стоунс е нов играч на Интер, откако клубот и играчот постигнаа конечен договор за сите услови на соработка.
Искусниот централен бек ќе потпише договор до јуни 2028 година, без опција за продолжување за уште една сезона. Според италијанските медиуми, Стоунс ќе заработува околу четири милиони евра нето по сезона во Милано.
Триесет и едно годишниот дефанзивец сè уште треба да помине медицински прегледи, по што трансферот ќе биде официјално потврден.
Стоунс пристигнува во Интер по успешната епизода во Манчестер Сити, каде што беше еден од клучните играчи во освојувањето на бројни трофеи, вклучувајќи ја и Лигата на шампионите.
