Европската фудбалска централа (УЕФА) веднаш реагираше на информациите дека ФИФА може да продаде делови од Светското првенство на приватни инвеститори.
Објавата на „Тајмс“ не е официјално потврдена од светското фудбалско седиште, но УЕФА излезе со став.
„Ова ја преминува линијата што управните тела на фудбалот никогаш не треба да ја преминат. УЕФА го сфаќа ова исклучително сериозно. Сите национални фудбалски федерации треба да го сфатат на овој начин. Како и секоја заинтересирана страна: лиги, клубови, играчи, навивачи, влади и секој што се грижи за иднината на играта“, се вели во соопштението на УЕФА.
„Душата и управувањето со фудбалот не се средства за тргување, особено со нулта транспарентност во врска со тоа кој ќе има финансиска корист. Никој од нас не го поседува фудбалот. Не е на ФИФА за да се продава“, додаваат од УЕФА.
 веднаш реагираше на информациите дека ФИФА може да продаде делови од Светското првенство на приватни инвеститори){kind=link}