Федерико Валверде мора да направи долга пауза. Играчот од средниот ред на Реал Мадрид плати висока цена за неодговорниот старт на Канг-ин Ли во дербито против Атлетико, што беше и најголемата контроверзност за „мадриѓаните“ бидејќи Кореецот не беше исклучен.
Валверде заработи повреда на глуждот, Реал официјално објави дека станува збор за „изместување од 3 степен“ и дека играчот ќе отсуствува неколку недели.
„По тестовите што денес ги спроведе медицинската служба на Реал Мадрид врз нашиот играч Ведерико Валверде, му беше дијагностицирана изместување од 3 степен на левиот глужд. Неговото закрепнување ќе биде следено“, се вели во соопштението, иако се верува дека би можел да се опорави за време на репрезентативната пауза.
Валверде беше на списокот за репрезентацијата на Уругвај, но мораше да се повлече од дебито на Диего Форлан на клупата на националниот тим поради оваа повреда.
„Урусите“ играат против Јапонија (24.09), Јужна Кореја (28.09) и Индија (6.10).
