Правниот конфликт меѓу француската фудбалска ѕвезда Килијан Мбапе и парагвајската сенаторка Селест Амариља доби неочекуван пресврт по елиминацијата на Парагвај од Светското првенство.
Сè започна кога сенаторката упати остри навреди кон напаѓачот на социјалните мрежи, што доведе до истрага против неа во Франција за поттикнување омраза и расизам.
Фудбалерот на Реал Мадрид не остана „пократок“ и ги нарече нејзините коментари за презир и недостојни за позицијата што ја држи.
Сепак, одбраната на парагвајската функционерка тврди дека таа не може да одговара пред европските судови и веќе најавува радикален контранапад.
Во врска со оваа ситуација, нејзиниот адвокат Гилермо Дуарте даде официјална изјава за медиумите.
🚨🗣️ 𝗡𝗘𝗪: Celeste Amarilla's lawyer, Guillermo Duarte, on the Kylian Mbappé case:
"Celeste did not commit any punishable offence in Paraguay.
Since what we consider defamation or slander is also a criminal offence in France, we can take legal action against Mbappé.
He could… pic.twitter.com/R6O9F9AGrQ
— The Touchline | 𝐓 (@TouchlineX) July 9, 2026
„Селест не стори никакво кривично дело во Парагвај. Бидејќи она што го сметаме за клевета или навреда е исто така кривично дело во Франција, можеме да покренеме судска постапка против Мбапе. Тој може да биде екстрадиран за да одговара за своите постапки во Парагвај“, рече Дуарте.
Правниот тим на сенаторот ја темели својата стратегија на фактот дека делото за кое Французите ја обвинуваат не е казниво во Парагвај, што го поткопува принципот потребен за нејзина екстрадиција.
Од друга страна, Дуарте инсистира дека изјавите на Мбапе предизвикале штета во Парагвај, што отвора врата за локалното судство самиот да го бара фудбалерот.
Додека јавноста и парагвајската влада ги осудуваат изјавите на нивниот сенатор, фудбалскиот свет со неверица ја следи драмата во која францускиот напаѓач на крајот би можел да добие барање за екстрадиција. Иако во реалноста, такво нешто е еднакво на нула.
