Фудбалската репрезентација на Босна и Херцеговина претрпе тежок пораз во второто коло од Светското првенство кога Швајцарија ги победи со 4:1.
Ситуацијата им ја отежна на „змејовите“ еден момент во второто полувреме кога Тарик Мухаремовиќ доби директен црвен картон за старт врз Брил Емболо.
Иако фудбалерот на Сасуоло беше меѓу најсилните поединци, овој момент скапо ги чинеше него и неговиот тим. По натпреварот, Мухаремовиќ им се извини на навивачите во објава на својот Инстаграм профил. Тој напиша:
„Драги навивачи, чувствувам потреба да им се извинам на сите. Прво на моите соиграчи и тренерскиот штаб, а потоа и на вас, навивачите, за црвениот картон. Преземам целосна одговорност и ми е жал што им ги отежнaв работите на тимот. Поразот боли, но имаме уште еден натпревар и сè уште можеме да ги оствариме нашите соништа. Ќе дадеме сè од себе до крајот. Верувам во нас и секогаш ќе биде така. Ви благодарам за вашите пораки и поддршка. Одиме заедно напред.“
На БиХ ѝ останува Катар во последното коло од групната фаза, а натпреварот е закажан за 24 јуни во 21:00 часот.
