Борнмут го суспендираше дефанзивецот Алекс Хименез (21) од составот додека трае истрагата за објавите на социјалните мрежи. Шпанецот, кој дојде од Милан минатото лето, нема да биде во составот за натпреварот од Премиер лигата во сабота против Фулам.
„Борнмут е свесен за објавите што циркулираат на социјалните мрежи во врска со десниот бек Алекс Хименез. Клубот ја разбира сериозноста на ситуацијата и моментално истражува. Како резултат на тоа, Алекс нема да биде во составот за натпреварот од Премиер лигата против Фулам и клубот нема да дава никакви дополнителни соопштенија во овој момент“, се вели во соопштението на клубот.
Хименез е осомничен за испраќање несоодветни пораки до малолетно девојче: „Сакам помали девојчиња. Никогаш не сум бил со 15-годишна.“
Images of Bournemouth’s Rightback, Alex jimenez, supposedly messaging a 15yr old are currently doing the rounds…😳 pic.twitter.com/oQ9ToULLjS
— The 44 ⚽️ (@The_Forty_Four) May 8, 2026
„Скриншотови“ споделени на социјалните мрежи наводно го покажуваат шпанскиот репрезентативец до 21 година како разговара со девојка под 18 години, свесен за нејзините години, а потоа испраќа фотографија од себе во автомобил со сугестивен опис.
Шпанецот првично пристигна на позајмица пред да потпише траен договор со клубот од јужниот брег во февруари, кој ќе го задржи до 2031 година.
Тој има 32 настапи за Борнмут оваа сезона, постигнувајќи еден гол, во победата од 3-2 дома над Ливерпул.
 од составот додека трае истрагата за објавите на социјалните мрежи. Шпанецот, кој дојде од Милан минатото лето, нема да биде во составот за натпреварот од Премиер лигата во сабота против Фулам){kind=link}