Марк Вајт, сопственик и тренер на англискиот шестолигаш Доркинг Вондерерс, фрли маса врз своите играчи на полувремето од натпреварот против Хемел Хемпстед и вулгарно ги навреди двапати, пишува британскиот Дејли Стар.
Вајт беше бесен затоа што неговиот тим отиде на полувреме со водство од 1:2, иако водеше дома. Натпреварот од 14-тото коло од Националната лига Југ се одигра во вторник, 27 октомври, на стадионот „Медоубенк“.
Според извештајот на официјалната веб-страница на клубот, Доркинг повел во 17-тата минута со голот на Алфи Радерфорд. Гостите израмниле во 36-тата минута преку крилниот напаѓач Џорџ Вилијамс. Истиот играч реализирал пенал во судиското продолжение на првото полувреме откако Хари Пинчард го соборил Алфи Так во шеснаесетникот.
Marc White’s absolute RAGE. 🤬 🗯️ https://t.co/RfhAFUHOjN
— BunchOfAmateurs (@bunch_amateurs) October 28, 2026
По испадот на Вајт, Доркинг продолжи да напаѓа. Тој израмни во 78-та минута кога Давид Рогалски со глава го погоди корнерот. Три минути подоцна, Хемел Хемпстед повторно поведе преку Џош Грин. Радерфорд со глава постигна гол за израмнување во доцните фази и го направи резултатот на 3-3.
Доркинг ја продолжи својата серија без пораз во лигата од крајот на август. Хемел Хемпстед не победил на ниту еден натпревар во октомври.
Вајт го основа Доркинг Вондерерс како аматерски клуб со пријатели во 1999 година, а сега е негов сопственик и менаџер. Тој е познат по своите нефилтрирани коментари по натпреварите и долгата листа на дисциплински мерки од страна на Фудбалската асоцијација (ФА).
Доркинг го пречекува Вестон-супер-Мер на домашен терен во сабота, 31 октомври.
