Лос Анџелес Лејкерс остварија убедлива победа над Бруклин Нетс, но тоа беше далеку од рутината што ја сугерира конечниот резултат. Гостите водеа во поголемиот дел од натпреварот, дури и влегувајќи во последната четвртина со минимален дефицит, пред Лука Дончиќ и Остин Ривс да го решат натпреварот со серија тројки. Дуелот беше дополнително обележан со 16-тата техничка грешка на Дончиќ, која речиси сигурно води до суспензија.
По победата над Бруклин, Дончиќ зборуваше за трката за МВП, но и за ситуацијата со 16-тата техничка грешка, со порака што брзо одекна низ целата лига. На прашањето што би значела МВП наградата за него и дали ја следи моменталната трка, како и најновото, контроверзно прашање на официјалната НБА сметка, Дончиќ одговори во свој стил, кратко, но доволно јасно за да испрати порака:
“Yea hopefully but the better I play the more I go down in ratings so I don’t know what more I can do”
– Luka when asked what getting MVP award would mean to him. pic.twitter.com/rxOKxcLR2h
— Luka Updates (@LukaUpdates) March 28, 2026
„Се надевам, но колку подобро играм, толку повеќе ми паѓа рејтингот, па не знам што друго можам да направам.“
Оваа изјава доаѓа во време кога Словенецот одигра уште еден доминантен натпревар (41 поен), но и во контекст на сезона во која постојано испорачува врвни бројки без јасен скок во проекциите за МВП.
Дополнително, Дончиќ се осврна и на ситуацијата што може да го чини следниот натпревар. Неговата 16-та техничка грешка автоматски резултира со суспензија од еден натпревар, а тој тврди дека одлуката на судиите била погрешна:
Luka Dončić on his technical foul:
“I didn't even talk. I just wanted to get out of there… they said my push was exaggerated, which was obviously not.” pic.twitter.com/hV0AYCyBN8— Spectrum SportsNet (@SpectrumSN) March 28, 2026
„Не кажав збор. Само сакав да се тргнам оттаму… рекоа дека мојот контакт бил преувеличен, што очигледно не е вистина.“
Luka Doncic barely touched him!!
Do you know how many little pushes like that happen per game?? Then he gets SMACKED IN THE FACE……. and it’s a double tech?? Ok 😂😂
They’ve been trying to bait him for two weeks. The NBA is a joke.pic.twitter.com/N4VPI9uHLr
— HeroOfTheDay (@Hero_OfThe_Day) March 28, 2026
Натпреварот против Нетси, покрај победата, отвори и две теми, вистинската позиција на Дончиќ во трката за MВП и неговото потенцијално отсуство поради суспензија, во време кога Лејкерси се обидуваат да го вратат континуитетот пред крајот на сезоната.
Резултатите од изминатата вечер:
Индијана – Л.А. Клиперс 113:114
Бостон – Атланта 109:102
Кливленд – Мајами 149:128
Мемфис – Хјустон 109:119
Оклахома – Чикаго 131:113
Торонто – Њу Орлеанс 119:106
Денвер – Јута 135:129
Голден Стејт – Вашингтон 131:126
Портланд – Далас 93:100
Л.А. Лејкерс – Бруклин 116:99
