Кошаркарската репрезентација на Македонија до 16 години со пораз од Бугарија од 62-102 го заврши настапот на Европското првенство од Дивизијата „Б“, кое во изминатите денови се одржуваше во Македонија.
Во натпреварот за 13. место, Бугарија беше подобар противник и заслужено стигна до победата. Македонските кадети не успеаја да го повториот пристапот од претходните натпревари, па противникот постепено ја зголемуваше предноста во текот на целиот меч.
Во последниот меч, најпрецизни во македонскиот состав беа Александар Зунзуровски и Илија Коневски со по 13 поени, додека Дион Шабани постигна 10.
Македонија така го завршува настапот на 14. место во конкуренција на 22 репрезентации.
