Евролигата ќе има 24 учесници од сезоната 2027/28, што ќе претставува една од најголемите промени во историјата на натпреварувањето, пишува „Спортандо“.
Следните акционерски клубови, како што се очекува, ќе останат во лигата: Анадолу Ефес, Асвел, Басконија, Олимпија Милано, Барселона, Баерн, Фенербахче, Макаби, Олимпијакос, Панатинаикос, Реал Мадрид и Жалгирис.
Овие клубови треба да добијат статус на франшиза, додека ситуацијата во врска со ЦСКА Москва останува отворена.
Седум нови франшизи ќе им се придружат, а засега, Црвена звезда, Партизан, Дубаи, Валенсија и Виртус од Болоња имаат повеќегодишни лиценци.
Во горенаведениот текст не е јасно дали црвено-црно-белите дефинитивно ќе станат овие франшизи, или се само меѓу главните фаворити за тоа, со оглед на тоа што во моментов имаат повеќегодишни лиценци од Евролигата.
Преостанатите места ќе бидат пополнети преку Еврокупот и новите вајлд карти, а Евролигата продолжува со својот план за проширување и промена на форматот.
На долг рок, целта е натпреварувањето да порасне на 28 клуба во наредните сезони, што целосно би ја променило мапата на европската кошарка и дополнително би го зацврстило моделот на позатворена лига со постојани учесници, додаде истиот извор.
