Постои еден дел од кариерата на Леброн Џејмс што ќе му остане во сеќавање до крајот на животот. Тоа е периодот во Лос Анџелес Лејкерс, имено сезоната кога го делеше паркетот со својот син Брони Џејмс.
Еден од најдобрите кошаркари на сите времиња го откри и разговорот што го воделе пред првиот натпревар.
– Веднаш јасно му го кажавме тоа. Не може да ме вика „тато“ на работа. Кога ќе го напуштиме тренинг центарот и ќе се затворат портите, тогаш можам повторно да му бидам татко. Во автомобилот, дома или било каде надвор од кошарката – тогаш сум татко. Но, во соблекувалната или на теренот, треба да ме вика „Брон“, „23“ или дури „GOAT“, ако сака – рече Леброн Џејмс и додаде:
„ Лесно ми е затоа што го викам Брони со години. Ќе му биде многу потешко да се навикне на тоа. Замислете изведуваме контранапад и тој вика: „Тато, подади ја топката!“ или „Тато, слободен сум“. Едноставно тоа не може да се случи“.
