Поранешниот тренер на Црвена Звезда Белград, Саша Обрадовиќ брзо најде нова работа. Следната сезона ќе работи за израелскиот клуб Хапоел Ерусалим.
Амбициозниот клуб учествуваше во Еврокупот минатата сезона, а имаше индиции дека се кандидати за посебна покана за Евролигата. Останува да се види дали тоа навистина ќе биде случај и дали српскиот тренер повторно ќе работи во елитното натпреварување.
Покрај Црвена Звезда Белград, Саша Обрадовиќ во својата тренерска кариера ги водеше Монако, Алба, Келн, Киев, Туров, Доњецк и Локомотив Кубан.
