Кошаркарскиот клуб Реал Мадрид го доведе американскиот бек Ник Смит Џуниор. Шпанскиот тим бараше уште еден играч за засилување на нападот и го пронајде на американскиот пазар. Тој игра на позиции плејмејкер и бек шутер и потпиша едногодишен договор.
Смит беше избран како 27-ми пик на драфтот во 2023 година од Шарлот Хорнетс, за кои ги играше своите први две сезони во НБА. Последната ја помина во Лос Анџелес Лејкерс, каде што имаше просек од 5,6 поени, 0,9 асистенции и 0,7 скока за помалку од 11 минути по натпревар.
Смит одигра вкупно 141 натпревар во НБА за три години, од кои 28 ги започна како стартер, со просек од 6,2 поени, една асистенција и 0,8 скока за 17 минути.
🙌 #WelcomeSmithJr 🙌 pic.twitter.com/XesQPzL7Hj
— Real Madrid Basket (@RMBaloncesto) September 16, 2026
Тој привлече внимание за време на неговата дебитантска сезона во Шарлот, каде што шутираше со 43,2 проценти од линијата за три поени. Тоа беше најдобриот резултат меѓу сите дебитанти таа сезона, и тој стана само вториот играч во историјата на НБА што го достигнал тој процент како „руки“ на 19 години или помлад – по Џејсон Тејтум.
Додека беше со Лејкерси, тој стана и најмладиот играч во историјата на франшизата што постигнал најмалку 25 поени во еден натпревар без да погоди ниту едно слободно фрлање. Тој го направи тоа против Портланд Треил Блејзерс.
👋1⃣👕 @lif3nick pic.twitter.com/sJtQ2fCpgb
— Real Madrid Basket (@RMBaloncesto) September 16, 2026
