Тејшон Комер е нов кошаркар на ТФТ, соопштија синоќа од клубот од Тафталиџе. Американецот, според клубот, е динамичен бек кој носи цврстина, лидерски квалитети и вистински натпреварувачки дух.
„Комер има одличен преглед на играта, игра во високо темпо и знае како да го контролира натпреварот. Зад себе има значајно искуство, а веруваме дека неговата енергија и квалитет ќе бидат огромно засилување за нашата бековска линија“, порачаа од ТФТ.
Комер оваа сезона се истакна како еден од најдобрите кошаркари на Универзитетот Невада, завршувајќи како трет стрелец на тимот со просек од 12,5 поени по натпревар, прв по асистенции со 3,7 по натпревар и четврти по украдени топки (20).
