Петар Маркоски е ново засилување на Ракометниот клуб Прилеп на пикерската позиција.
28-годишниот ракометар од Струга во тимот доаѓа од редовите на РК Еурофарм Пелистер 2, носејќи со себе искуство, сила и борбеност на линијата од 6 метри.
Маркоски стави потпис на договор со времетраење од 2 години, со што ќе биде важен дел од прилепската екипа во наредниот период.
„Очекуваме цврста игра во одбраната, сигурна реализација во нападот и вистинска енергија на теренот!“, стои во соопштението на клубот.
