Мурат Гасиев повеќе нема статус на WBA супер шампион во тешка категорија. Светската боксерска асоцијација (WBA) го врати Русинот на позицијата „редовен“ шампион, а за WBA Супер титула ќе се решава во претстојниот судир меѓу Тајсон Фјури и Ентони Џошуа.
Гасиев го освои WBA Регуларниот појас во декември 2025 година, кога го нокаутираше Кубрат Пулев во Дубаи. Во јули оваа година, тој имаше успешна одбрана против Германецот Питер Кадиру, кого го победи со нокаут во Москва.
Откако Олександр Усик ја испразни WBA Супер титулата, Гасиев беше издигнат во статус на целосен светски шампион на организацијата.
Сепак, сега WBA го промени неговиот статус и повторно го дефинира како „редовен“ шампион.
Според „Boxing News Online“, титулата на ВБА во супертешка категорија ќе биде во игра во големиот британски судир меѓу Ентони Џошуа и Тајсон Фјури, закажан за 11 декември на стадионот „Принсипалити“ во Кардиф.
Одлуката значи дека повторно ќе има две титули на ВБА во тешка категорија – Супер и Регуларна, при што Гасиев ќе ја задржи втората.
